අමෙරිකාවේ හිටපු ජනාධිපතිවරුන් පස් දෙනෙකු එකම වේදිකාවක සිටිමින් ආධාර එකතු කිරිමේ සමාජ සත්කාරක වැඩසටහන්කට සහභාගී වුණා.
ඒ පසුගියදා සුළි කුණාටුවෙන් විපතට පත්වූ පිරිසට අවශ්‍ය සහන සැලසීම සඳහායි.
2017 වසරේ දී පමණක් අමෙරිකාවට දරුණු සුළි කුණාටු තුනක් ඇති වුණා.
ඉන් විශාල අලාභ සිදුවූ අතර ජීවිත හානි රැසක් ද වාර්තා වුණා.
මෙම කුණාටුවෙන් පීඩාවට පත්වූ ජනතාවට සහන සැලසීමේ ව්‍යාපෘතියකට ආධාර එකතු කිරිමේ පිණිස මෙලෙස හිටපු ජනාධිපතිවරුන් ඉදිරිපත්ව සිටිනවා.
ඒ අනුව බැරක් ඔබාමා, බිල් ක්ලීන්ටන්, ජෝර්ජ් ඩබ්ලිව් බුෂ් ,ජෝර්ජ් එච් ඩබ්ලිව් බුෂ් සහ ජිම්මි කාටර් යන හිටපු ජනාධිපතිවරුන් මෙම ව්‍යාපෘතියට ඇතුළත්.
එය නම් කර ඇත්තේ ද “අමෙරිකාව ගොඩනඟන පංච මහ යෝධයන්ගේ ශක්කිය” යන්නයි
ද වන් අමෙරිකන් ඇපල් නැමති සංගීත ප්‍රසංගයට මෙම පිරිස එක්ව සිටි අතර එහිදී ඇමරිකානු ඩොලර් මිලියන 31 ක් උපයාගෙන ඇති බවයි අමෙරිකාවේ හිටපු ජනාධිපත් බැරක් ඔබාමා කියා සිටියේ.
