ශ්රී ලංකා ගුවන් හමුදාවට නව යානා මිලදී ගත යුතු බව ගුවන් හමුදාපති එයාර් මාර්ෂල් කපිල ජයම්පති පවසනවා.
ඔහු ඒ බව පැවසුවේ අද (23) පෙරවරුවේ මහනුවර ශ්රී දළදා මාළිගාවේ පැවති ආගමික වැඩසටහනකට සහභාගී වීමෙන් පසු මාධ්යවේදීන් කළ විමසීමකට පිළිතුරු දෙමින්.
ශ්රි ලංකා ගුවන් හමුදාව විසින්ම යානා නිෂ්පාදනය කිරීමට ද ඉදිරියේදී කටයුතු කරන බව ගුවන් හමුදාපතිවරයා මෙහිදී කියා සිටියා.
යුද්ධයක් නොමැති වකවානුවකදී හමුදාවක ශක්තිය සංවර්ධන ව්යාපෘතින් සඳහා ද යොදා ගැනෙන බවද මෙහිදී ප්රකාශ කෙරුණා.
මුහුද ආරක්ෂා කර ගැනීම සඳහා ද ගුවන් හමුදාවේ සහය ලබා ගැනෙන බවයි ගුවන් හමුදාපති එයාර් මාර්ෂල් කපිල ජයම්පති වැඩිදුරටත් පැවසුවේ.