මාලඹේ සයිටම් ආයතනය පිළිබඳ රජයේ ස්ථාවරය තව දින කිහිපයකින් ප‍්‍රකාශයට පත් කරන බව ජනාධිපති මෛත‍්‍ර‍්‍රීපාල සිරිසේන මහතා පවසනවා.
ජනාධිපතිවරයා ඒ බව පැවසුවේ දෙහිඕවිට ප‍්‍රදේශයේ විහාරස්ථානයක අද (23) පෙරවරුවේ පැවති උත්සවයකදීයි.
මේ අතර, උසස් අධ්‍යාපන අමාත්‍ය ලක්ෂ්මන් කිරිඇල්ල ද සයිටම් ගැටලූව සම්බන්ධයෙන් අද අදහස් පළ කළා.
එහිදී අමාත්‍යවරයා පෙන්වා දුන්නේ මාලඹේ සයිටම් ආයතනය සම්බන්ධයෙන් අවසන් තීරණයක් මෙතෙක් ගෙන නොමැති බවයි.
කෙසේවෙතත් ඒ පිළිබඳ යෝජනා කිහිපයක් සාකච්ඡා කෙරුණු බවද මෙහිදී ප‍්‍රකාශ කෙරුණා.
මෙම සතිය තුළ ඒවා තවදුරටත් අධ්‍යයනය කර අවසන් තීරණය ප‍්‍රකාශ කෙරෙනු ඇති බවයි අමාත්‍යවරයා වැඩිදුරටත් පැවසුවේ.
