දැනට ලෝකයේ ඇති විශාලම යුද නෞකා අතරින් එකක් සේ සැලකෙන USS නිමිට්ස් නම් අමෙරිකානු ගුවන් යානා ප්‍රවාහන නෞකාව ඇතුළු පිරිවර ප්‍රහාරක නෞකා කණ්ඩායමක් අද (28) කොළඹ වරායට ළඟ වුණා.
USS නිමිටිස් සමග කොළඹ වරායට ළඟා වූ සෙසු යුද නෞකා වන්නේ USS ප්‍රින්ස්ටන්, USS හාවර්ඩ්, USS ෂූප්, USS පින්ක්නි සහ USS කිඩ්ය.
මෙම නෞකාව 1985 වසරට පසු ශ්‍රී ලංකාවට ළඟා වූ පළමු ගුවන් යානා ප්‍රවාහන නෞකාව වීමද විශේෂත්වයකි. අමෙරිකානු මෙම නෞකා සමූහය ශ්‍රී ලංකාවේ ආර්ථිකයට රුපියල් කෝටි 154 ක මුදලක් එක් කරනු ඇතැයි ඇස්තමේන්තු කර ඇති බව කොළඹ පිහිටි ඇමරිකානු තානාපති කාර්යාලය පවසනවා. ඒ මෙම නැවියන් ලබන 31දා දක්වා මෙරට රැඳී සිටියදී ලබාගන්න භාණ්ඩ හා සේවා වෙනුවෙනි.
