පන්දුවාර විස්සයි 20 ජාත්‍යන්තර කි‍්‍රකට් තරගයකදී පිතිකරුවකු රැස්කළ වේගවත්ම ශතකයේ ලෝක වාර්තාව තමන් සතු කර ගැනීමට දකුණු අප‍්‍රිකාවේ ඩේවිඞ් මිලර් ඊයේ (29) සමත් වුණා.
ඒ බංග්ලාදේශයට එරෙහිව පන්දු 35කදී ශතකයක් වාර්තා කරමින්.
ඔහු මෙලෙස බිඳ දැමුවේ 2012 වසරේදී දකුණු අප‍්‍රිකාවේම රිචඞ් ලෙවී පන්දු 45කදී ශතකයක් රැස් කරමින් පිහිටුවා තිබූ වාර්තාවයි.
එමෙන්ම අංක 5 පිතිකරු ස්ථානයේ දී ශතකයක් වාර්තා කළ ලොව පළමු පිතිකරුවා බවට ද ඔහු වාර්තා පොතට එක්වුණා.
ඊයේ පැවැති තරගයේදී ඩේවිඞ් මිලර් අවසන් ලකුණු 50 රැස්කළේ පන්දු 12කින් වීම ද විශේෂත්වයක්. ඔහුගේ ඉනිමට 6 පහර 9ක් සහ 4 පහර 7ක් ඇතුළත් වුණා.
