ඉන්දීය ප්‍රිමියර් ලීග් ක්‍රිකට් තරගාවලියේ ක්‍රීඩක වෙන්දේසිය අද සහ හෙට සෞදි අරාබි, ජේඩා නුවරදී පැවැත්වෙනවා.
මෙම ක්‍රීඩක වෙන්දේසිය මෙරට වේලාවෙන් පස්වරු 03.30 ආරම්භ වීමට නියමිතයි.
ඉන්දීය ප්‍රිමියර් ලීග් තරගාවලිය ලබන මාර්තු මස 14 වනදා සිට මැයි මස 25 වනදා දක්වා පැවැත්වෙනවා.
ක්‍රීඩක වෙන්දේසිය සඳහා ක්‍රීඩකයින් 1,574 ක් ලියාපදිංචි වූ අතර එම ක්‍රීඩකයින් අතරින් ක්‍රිඩකයන් 574 දෙනෙකු ඉන්දීය ප්‍රිමියර් ලීග් තරගාවලිය සඳහා තෝරාගෙන තිබෙනවා.
එම ක්‍රීඩකයින් අතරින් 366 දෙනෙකු ඉන්දීය ක්‍රීඩකයින් වන අතර අනෙකුත් සෙසු ක්‍රීඩකයන් විදෙස් ක්‍රීඩකයන් වනවා.
මෙම වෙන්දේසියට ශ්‍රී ලංකා ක්‍රීඩකයින් 29 දෙනෙකු ලියාපදිංචි වූ අතර ඒ අතරින් ක්‍රීඩක වෙන්දේසියට ඇතුළත් කර ඇත්තේ ක්‍රීඩකයන් 19 දෙනෙකු පමණයි.
ශ්‍රී ලංකා ක්‍රීඩකයින් වන වනිඳු හසරංග සහ මහීෂ් තීක්ෂණ ඉන්දීය රුපියල් කෝටි දෙකක මූලික වටිනාකමක් සහිතව ඉදිරිපත් කර තිබෙනවා.
