දිවුලපිටිය වටරවුම ඉදිරිපිට කොළඹ පාරේ පිහිටි කඩ පෙලෙහි ඊයේ (12) රාති‍්‍ර ඇතිවූ හදිසි ගින්නට හේතුව විදුලි කාණ්දුවක් බවට සැක කෙරෙන බව වාර්තා වනවා.
රාති‍්‍ර 8.00 ට පමණ මෙම ගින්න හට ගෙන තිබුණේ ඉහල මාලයෙන් වන අතර කාමර අටකින් යුත් ඉහල මහල සම්පූර්ණයෙන්ම විනාශයට පත්ව ගින්න පහල මාලය කරා පැතිරෙමින් තිබුණා.
ගින්න නිසා මාර්ගය අයිනේ පිහිටි විදුලි කණුවල රැහැන් පද්ධතිද හානියට ලක්වූ අතර ගින්න නිසා සිදුවූ අලාභය රුපියල් කෝටි ගණනක් විය හැකි බව ව්‍යාපාරිකයන් පවසනවා.
