තිස්ස - මාතර ප්‍රධාන මාර්ගයේ, කතරගම සිට කොළඹ දක්වා ධාවනය වෙමින් තිබු පුද්ගලික මගී ප්‍රවාහන බස්රථයක් තංගල්ල යායවත්ත ප්‍රදේශයේ දී ගසක ගැටීමෙන් සිදු වූ රිය අනතුරකින් පුද්ගලයින් 13 දෙනෙකු තුවාල ලබා තිබෙනවා.
අනතුරින් තුවාල ලැබූ පිරිස අතර පිරිමි පුද්ගලයින් 12ක් සහ එක් කාන්තාවක් සිටිනවා.
අද (28) අළුයම 4.00ට පමණ මෙම අනතුර සිදුවී ඇති අතර වර්ෂාව නිසා මාර්ගය ලිස්සන සුලු වීමත් අධික වේගයත් නිසා රියදුරාට වේගය පාලනය කරගැනීමට නොහැකිවීමත් අනතුරට හේතුව වන්නට ඇති බව පොලිසිය සැකපළ කරනවා.
තංගල්ල රෝහලට ඇතුලත් කළ පුද්ගලයින් 13දෙනා අතුරින් මේ වනවිට පුද්ගලයින් 04 දෙනෙකු ප්‍රතිකාර ලබා පිටවගොස් ඇතිබවත් කිසිවෙකුගේ තත්වය බරපතල නොවන බවත් තංගල්ල රෝහලේ වෛද්‍ය අධිකාරි චමින්ද ජයසේකර පවසනවා.
රිය අනතුරින් පසුව බස් රථයේ රියදුරා සහ කොන්දොස්තරවරයා පලාගොස් ඇති අතර ඔවුන් අත්අඩංගුවට ගැනීම සදහා තංගල්ල පොලිසිය පරීක්ෂණ ආරම්භ කර තිබෙනවා.
