මාතර නිල්වලා ගඟ ආශ‍්‍රිත පහත්බිම් සමහරක් මේ වනවිට ජලයෙන් යට වී තිබෙනවා. ආපදා කළමනාකරණ මධ්‍යස්ථානය අද අලූයම නිවේදනය කළේ නිල්වලා ගඟේ ජල මට්ටම ශීඝ‍්‍රයෙන් ඉහළ යමින් තිබෙන බවයි. පානදුගම සහ ඊට පහලින් නිල්වලා ගඟ දෙපස වැසියන් ආරක්ෂිත ස්ථාන කරා ඉවත්විය යුතු බවද එහිදී ප‍්‍රකාශ කෙරුණා.
මාතර දිස්ත‍්‍රික්කයේ මාර්ග කිහිපයක් ද ජලයෙන් යටවී තිබෙනවා. පානදුගම - අකුරැස්ස, අකුරැෙස්ස - මුලටියන සහ කඹුරුපිටිය - මුලටියන යන මාර්ග මෙලෙස ජලයෙන් යටවී තිබෙන මාර්ග කිහිපයක්.
ගාල්ල දිස්ත‍්‍රික්කයේ ද ඇතැම් මාර්ග ජලයෙන් යටවී තිබෙනවා. නාගොඩ - බද්දේගම, මාපලගම - ඇල්පිටිය, නාගොඩ - උඩුගම, ගාල්ල වක්වැල්ල යන මාර්ග මෙලෙස ජලයෙන් යටව තිබෙනවා.
මේ අතර කොළඹ - බදුල්ල මාර්ගයේ වරංගහවල සිට හපුතලේ දක්වා කොටසට තවදුරටත් ගල් පෙරළීමේ අවදානමක් පවතින බව හඳුනාගෙන තිබෙනවා.
තද සුළං සහ වැසි සම`ග සිදු වූ ආපදා සම්බන්ධයෙන් බලධාරීන්ගේ අවධානය මෙතෙක් යොමුව නැත්නම් ඒ කෙරෙහි ඔවුන් දැනුවත් කිරීමට නෙත් නිවුස් සූදානමින් සිටිනවා. ඒ අනුව ඔබේ ප‍්‍රදේශයේ සිදුව ඇති ආපදා පිළිබඳව බලධාරීන් මෙතෙක් අවධානය යොමු කර නැත්නම් ඒ පිළිබඳ නෙත් නිවුස් ආපදා සහන සේවා සම්බන්ධීකරණ විශේෂ මෙහෙයුම් මැදිරියට දැනුම් දිය හැකියි. දුරකතන අංකය 0112 50 70 80.
