ආවා කල්ලියේ ප්‍රධාන පෙලේ සාමාජිකයින් බව කියන තවත් පුද්ගලයින් 06 දෙනෙකු පොලිසිය විසින් අත්අඩංගුවට ගෙන තිබෙනවා.
පොලිසියට ලැබුණු තොරතුරක් අනුව ඊයේ (30) කළ විශේෂ මෙහෙයුමකදී ඔවුන් අත්අඩංගුවට ගත් බවයි නෙත් නිවුස් වාර්තාකරු පවසන්නේ.
අත්අඩංගුවට ගත් මෙම පුද්ගලයින් ළග තිබී කඩු 04ක්, කෙටේරි 03ක් සහ අත්බෝම්බයක් ද සොයාගෙන තිබෙනවා.
ආවා කල්ලිය විසින් සිදු කරන ලද පහරදීම්, සොරකම් සහ පුද්ගල බියවැද්දීම් සඳහා ඔවුන් සහභාගී වී ඇති බවටයි පොලිසිය සැක කරන්නේ.
