මුහුදට පැන සිය දිවි නසා ගැනිමට තැත් කල උසස් පෙළ සිසුවියක් ධිවරයෙකු දැඩි පරිශ්‍රමයක් දරා මුහුදෙන් ගොඩට ගෙන ඇයගේ දිවි බේරාගෙන තිබෙනවා.
හම්බන්තොට ධීවර වරායේ ගල් වැටිය ආසන්නයෙන් මෙම සිසුවිය මුහුදට පැණ තිබුණා.
වරායේ ගල් බැම්ම දිගේ තනිවම පැමිණි ගැහැණු ළමයෙක් එක්වරම මුහුදට පනිනු තමා දුටු බවත් ඒ අවස්ථාවේදී තමා මුහුදේ ධීවර යාත්‍රාවේ සිටි බවත් අදාළ ධීවරයා පොලිසියට සඳහන් කළා.
ධීවර යාත්‍රාවෙන් ඉතා වේගයෙන් එම ස්ථානයට පැමින මුහුදට පැන දියේ ගිලෙමින් සිටි ඇයව තමා බේරා ගත් බවයි ඔහු වැඩි දුරටත් පවසා සිටියේ.
දිවි බේරා ගැනීමෙන් පසුව ඇයව හම්බන්තොට මූලස්ථාන පොලිසියට භාර දී ඇති අතර වැඩිදුර විමර්ශවලදී ඇය සූරියවැව ප්‍රදේශයේ පදිංචි 18 හැවිරිදි උසස් පෙළ විභායට පෙනිසිටිමට සූදානම් වන ශිෂ්‍යාවක් බව හෙළි වී තිබෙනවා.
දිවි නසා ගැනීමට හේතුව සොයා පොලිසිය විමර්ශන සිදු කරනවා.
