ශ්‍රී ලංකාව සහ බ්‍රිතාන්‍යය අතර ඇති සම්බන්ධතාවය තවදුරටත් ශක්තිමත් වී ඇති බව එංගලන්ත දෙවන එළිසබෙත් මහරැජින පවසනවා.
ශ්‍රී ලංකාවේ 70 වන ජාතික නිදහස් දින සැමරුම වෙනුවෙන් විශේෂ සුබ පැතුම් පණිවුඩයක් නිකුත් කරමින් දෙවන එළිසබෙත් මහරැජින මේ බව සඳහන් කර තිබෙනවා.
දිගු කාලක් තිස්සේ දෙරට අතර පවතින සම්බන්ධතාවය දැන් පෙරටත් වඩා ශක්තිමත් වී ඇති බවයි එම නිවේදන මගින් ඇය පෙන්වා දී ඇත්තේ.
ඉදිරි වසරවලදී දෙරට ජනතාව අතර පවතින සම්බන්ධය තවත් ශක්තිමත් විය යුතු බවත් ඒ වෙනුවෙන් තමාද දැඩි විශ්වාසයෙන් පසුවන බවයි ඇය සිය සුබ පැතුම් නිවේදනය මගින් සඳහන් කර තිබෙන්නේ.
කෙසේ වෙතත් බ්‍රිතාන්‍ය රජ පවුලේ සාමාජිකයන් පිරිසක් දැනටමත් ශ්‍රී ලංකාවට පැමිණ ඇති අතර මෙවර ජාතික නිදහස් දින සැමරුමේ ප්‍රධාන ආරාධිත අමුත්තා ලෙස සහභාගී වන්නේ එඩ්වඩ් කුමරුයි.
