ත්‍රිකුණාමලය මහා රෝහලට යාබදව හදිසි අනතුරු ඒකකයට නව ගොඩනැගිලි සංකිර්ණයක් ඉදිකිරිමට අද (15) අත්තිවාරම් කපද්දී ඉපැරණි කාලතුවක්කුවක කොටසක් හමු වී තිබෙනවා.
මෙම කාලතුවක්කුව සම්බන්ධයෙන් පොලිසියට කළ දැනුම්දීම අනුව එම ස්ථානයට පැමිණි වරාය පොලිස් ස්ථානාධිපති පොලිස් පරික්ෂක ජගත් අමරවංශ ඇතුලු පොලිස් කණ්ඩායමක් එය පරික්ෂාකර බලා මේ බව පුරාවිද්‍යා දෙපාර්තමේන්තුවට දැනුම් දීමට කටයුතු කළා.
යටත් විජිත සමයට අයත් බවට සැක කරන මෙම කාලතුවක්කුවේ දිග අඩි 10ක් පමණ වන අතර පිටුපස කොටස ගෝලාකාර හැඩයකින් යුක්ත වනවා.
මේ සම්බන්ධයෙන් කළ විමසීමකදී පිළිතුරු දුන් පුරාවිද්‍යා දෙපාර්තමේන්තුවේ ත්‍රිකුණාමලය දිස්ත්‍රික් සහකාර අධ්‍යක්ෂ ඩබ්. එච්. ඒ. සුමනදාස පැවසුවේ මේ සම්බන්ධයෙන් කඩිනමින් කැණිම් කටයුතු සිදු කරන බවයි.
