මිශ්‍ර ක්‍රමයට පළාත් සභා ඡන්ද විමසීම පැවැත්වීම සඳහා කොට්ඨාස බෙදාවෙන් කිරීමට පත් කළ සීමා නිර්ණය කමිටුවේ වාර්තාව සකස් කර අවසන් කර තිබෙනවා. එම වාර්තාව ඉකුත් 14 වනදා විෂයභාර අමාත්‍ය ෆයිසර් මුස්තාපා වෙත භාරදීමටයි නියමිතව තිබුණේ.
කෙසේ වෙතත් අමාත්‍යවරයා එදින කාර්යාලයේ රැඳී නොසිටි බව එම සීමා නිර්ණ කමිටු ආරංචි මාර්ග කියා සිටියා. පසුව අමාත්‍ය ෆයිසර් මුස්තාෆා සීමා නිර්ණ කමිටුව වෙත දැනුම් දී ඇත්තේ අදාළ වාර්තාවේ කෙටුම්පත පිළිබඳ දේශපාලන පක්ෂ සමග සාකච්ඡා කිරීමට අවශ්‍ය බවයි.
එහෙත් එය පළාත් සභා ඡන්ද විමසීම් ආඥා පනතේ විධි විධානවලට පටහැනි වනවා. ඒ හේතුවෙන් අදාළ වාර්තාව භාරදීම සඳහා ලබන සඳුදා පැමිණෙන බවයි පළාත් සභා සීමා නිර්ණ කමිටුව විෂයභාර අමාත්‍ය ෆයිසර් මුස්තාපාට දැනුම් දී ඇත්තේ.
ආචාර්ය කනකරත්නම් තවුලිංගම්, ආචාර්ය අනිලා ඩයස් බණ්ඩාරනායක, මහාචාර්ය එස් එච් හස්බුල්ලා, කථීකාචාර්ය විජය සන්දිරන් හා විශ්‍රාමික අතිරේක මැතිවරණ කොමසාරිස් ප්‍රේමතිලත සිරිවර්ධන යන අය එම සීමා නිර්ණය කමිටුවේ සාමාජිකයින් ලෙස කටයුතු කළා.
