බි‍්‍රගේඩියර් පි‍්‍රයංක ප‍්‍රනාන්දුගේ බි‍්‍රතාන්‍යයේ සිටින පවුලේ සාමාජිකයින්ගේ නඩත්තු වෙනුවෙන් මූල්‍යාධාර ලබා දීමට යුධ හමුදාව තීරණය කර තිබෙනවා.
ඒ, යුධ හමුදාපතිවරයාගේ නියමයකට අනුවයි.
බි‍්‍රගේඩියර් පි‍්‍රයංක ප‍්‍රනාන්දු මෙරටට කැඳවුවද, ඔහුගේ පවුලේ සාමාජිකයින් තවදුරටත් බි‍්‍රතාන්‍යයේ ජීවත් වනවා. මෙරටට කැඳවීම හේතුවෙන් තානාපති රාජකාරියට අදාළ වේතන ඔහුට හිමිවන්නේ නැහැ. ඔහුට දැනට හිමිවන්නේ බි‍්‍රගේඩියර් තනතුරට අදාල වැටුප පමණයි.
ඒ අනුව පළමු අදියර ලෙස යුධ හමුදාපතිවරයාගේ මැදිහත්වීමෙන් බි‍්‍රගේඩියර් පි‍්‍රයංක ප‍්‍රනාන්දුගේ බි‍්‍රතාන්‍යයේ සිටින පවුලේ සාමාජිකයින්ට පළමු මූල්‍යාධාරය ඉකුත් දා ලබා දුන්නා. එය මාස් පතා ඔවුන්ට ලබා දීමටයි සැලසුම් කර ඇත්තේ. මෙවැනි සිද්ධියකදී ඊට මුහුණ පෑ හමුදා සාමාජිකයාගේ පවුලේ සාමාජිකයින් වෙනුවෙන් යුධ හමුදාව මේ අයුරින් මුළ්‍යාධාර ලබා දුන් ඉතිහාසයේ පළමු අවස්ථාව මෙය බවයි පැවසෙන්නේ.
