ෆේස්බුක් හෝ වෙනත් සමාජ මාධ්‍ය භාවිත කරමින් සිදු කෙරෙන අකටයුතුකම් සම්බන්ධයෙන් අපරාධ නීතිය යටතේ ද වරදකරුවන්ට දඬුවම් ලබා දිය හැකි බව නීතිවේදීන් පවසනවා.
ඒ පිළිබඳ වැඩිදුරටත් කරුණු පැහැදිළි කරමින් ශ්‍රී ලංකා නීතීඥ සංගමයේ සභාපති ජනාධිපති නීතිඥ යූ ආර් ද සිල්වා කියා සිටියේ අදාළ වැරදි සම්බන්ධයෙන් සැකකරුවන් අත්අඩංගුවට ගැනීමට පොලීසියට බලයක් ඇති බවයි.
මෙවැනි අකටයුතුකම් සම්බන්ධයෙන් විමර්ශනය කිරීමට අපරාධ පරික්ෂණ දෙපාර්තමේන්තුවේ වෙනම අංශයක් පිහිටුවා ඇතැයිද මෙහිදී ඔහු කියා සිටියා.
