අතුරුගිරිය ජෝතිපාල මාවතේ පිහිටි නිවසකට අද (26) අලුයම වෙඩි ප්‍රහාරයක් එල්ලවී තිබෙනවා. පොලිසිට පැවසුවේ මෙම වෙඩි තැබීමෙන් නිවසට අලාභ හානි සිදුව ඇති බවයි.
ටී 56 වර්ගයේ ගිනි අවියක් මගින් මෙම වෙඩි තැබීම සිදු කර ඇති බවයි පොලිසීය සඳහන් කළේ. සිද්ධියෙන් කිසිදු ජීවත හානියක් සිදුව නොමැති අතර අතුරුගිරිය පොලිසිය වැඩිදුර පරීක්ෂණ ආරම්භ කර තිබෙනවා.
මේ අතර මාලබේ, චන්ද්‍රිකා කුමාරතුංග මාවතේ දී ඊයේ (25) සිදුවූ වෙඩි තැබිමකින් පුද්ගලයකු මිය ගියා.
මෙම වෙඩි තැබීමෙන් මියගිය මුල්ලේරියාව ප්‍රදේශයේ පදිංචි රොෂාන් ප්‍රේමලාල් නම් 46 හැවිරිදි කෝටිපති ව්‍යාපාරිකයා පාතාල නායක අංගොඩ ලොක්කා සමඟ සබඳතා පැවැත්වූ අයෙකු බවට හෙළිවී තිබෙනවා.
පොලීසිය පවසන්නේ ඔහු විසින් මුදල් පොලියට ලබාදීම ද මහා පරිමාණයෙන් සිදුකළ අයෙකු බවයි.
යතුරුපැදියකින් පැමිණි දෙදෙනෙකු විසින් වෙඩි තැබීම සිදුකර පලාගිය බවටයි මූලික පරීක්ෂණවලදී හෙළිවුණේ.
