බොලිවුඩ් සුපිරි නළු සල්මාන් ඛාන් ඇප මත මුදාහරින්නැයි අධිකරණය අද (07) නියෝග කළා. කළුමුවන් දෙදෙනෙකු මැරීමේ චෝදනාවට වැරදිකරු වූ සලමන් ඛාන් හට වසර 05 ක සිර දඩුවක් නියමු අතර පසුගිය දින දෙකක කාලය ඔහු ජෝද්පුර් මධ්‍යම බන්ධනාගාරයේ ගත කළා.
සල්මන් ඛාන් හට අධිකරණය විසින් රු. 25,000 ක් බැගින් වූ ශරීර ඇප දෙකක් මත ඇප නියම කර තිබෙනවා. ඊට අමතරව කිසිම අවස්ථාවක අධිකරණයේ අවසරයකින් තොරව ඔහුට විදෙස් ගමන්ද තහනම් කර තිබෙනවා.
.............................................................................................................
සල්මන් ඛාන් සිපිරි ගෙදරට යැවු විනිසුරුට ස්ථාන මාරුවක් ( 07-04-2018 06:42)
1998 වසරේදී කළු මුවන් දෙදෙනෙකු මරා දැමීමේ චෝදනාවට වැරදිකරු වී වසර පහක සිර දඩුවම් නියමවූ බොලිවුඩ් සුපිරි නළු සල්මන් ඛාන් හට නඩු තීන්දුව ප්‍රකාශයට පත් කල දේව් කුමාර් ෂෙට්ටි නම් විනිසුරුවරයාට ස්ථාන මාරුවීමක් ලබා දී තිබෙන බව ඉන්දීය මාධ්‍ය වාර්තා සඳහන් කරනවා.
සල්මන් ඛාන් තවදුරටත් ජෝදාපුර් බන්ධානාගාරයේ ගත කල යුතුද? නැත්නම් ඔහුට ඇප ලබාදිය යුතුද යන්න පිළිබඳව විමසා බැලීම සඳහා විභාග කිරීමට සුදානම් වන නඩු වාරයේ මුලාසනය හෙබවීමට නියමිතව සිටි රවින්ද්‍ර කුමාර් ජෝෂි නම් විනිසුරුවරයා හටද මෙලෙස ස්ථාන මාරුවීම් ලැබී තිබෙනවා.
රාජස්ථාන් මහාධිකරණය විසින් ස්ථාන මාරු කර ඇති අධිකරණ නිලධාරීන් 87 දෙනා අතරට මෙම විනිසුරුවරුන් දෙදෙනාද ඇතුලත් වන අතර සෑම වසරකම අප්‍රේල් මස 15 සිට 30 වනදා දක්වා වන කාල සීමාව තුල මහාධිකරණයේ පිහිටුවන කමිටුවක් මගින් ලබා දෙන නිර්දේශ අනුව රාජාස්ථානයේ විනිසුරුවන් හට සේවා මාරුවීම් ලබාදීම සිදු කරනු ලබනවා.
සල්මන් ඛාන් ගේ ඇප අයැදුම සලකා බැලීම අද (07) දිනයේදී සිදුකිරීමට නියමිතයි.
