ෆේස්බුක් ඔස්සේ සම්බන්ධකර ගත් තරුණ තරුණියන් පිරිසකගේ සහභාගීත්වයෙන් හික්කඩුව වෑවල ප‍්‍රදේශයේ හෝටලයක සංවිධාන කළ මත්පැන් සාදයේදි අත්අඩංගුවට ගත් පිරිස අධිකරණයට ඉදිරිපත් කර තිබෙනවා.
මෙම පිරිසට තරුණියන් තිදෙනෙකු ඇතුලූ 12 දෙනෙක් ඇතුළත්. ඒ අතරට වයස අවුරුදු 19ක සහ 20 ක තරුණියන් දෙදෙනෙක් මෙන්ම අවුරුදු 21, 22, 24 සහ 25 යන වයස් ඛාණ්ඩවල පසුවන පිරිසක්ද අයත් වනවා.
ඔවුන් සතුව තිබී ගංජා සහ විෂ මත්ද්‍රව්‍ය අඩංගුයැයි සැලකෙන ටොෆි 16ක්, ගංජා ග්‍රෑම් 09ක් හා කොකේන් මිලිග්‍රෑම් 50ක් සොයා ගැනුණා. අත්අඩංගුවට ගත් එක් අයෙකුට රුපියල් ලක්ෂය බැගින් වූ ශරීර ඇප මත මුදා හැරීමටයි අධිකරණය නියෝග කළේ.
-----------------------------------
ෆේස්බුක් මිතුරන්ගේ සාදයකදී මත්ද්‍රව්‍ය සමග 07දෙනෙකු අත්අඩංගුවට
(13-05-2018 16:45)
ලලිත් චාමින්ද - ගාල්ල
ෆේස්බුක් ඔස්සේ හඳුනාගත් මිතුරන් පිරිසක් විසින් පැවැත්වූ සාදයකදී හෙරොයින් ලඟ තබාගෙන සිටි පුද්ගලයින් 07 දෙනෙකු ඇතුලූ 19 දෙනෙකු මිටියාගොඩ පොලීසිය විසින් අද (13) අලූයම අත්අඩංගුවට ගෙන තිබෙනවා. ඒ අතර තරුණියන් තිදෙනෙකුද වන බවයි පොලීසිය පැවසුවේ.
අනුරාධපුර, නොච්චියාගම තඹුත්තේගම කොලඹ යන ප‍්‍රදේශවලින් පැමිණි 150කට අධික පිරිසක් මෙම ෆේස්බුක් සාදයට එක්ව සිටියා. අත්අඩංගුවට ගත් පුද්ගලයින් සතුව ගංජා සහ මත්ද්‍රව්‍ය මිශ‍්‍ර කර සැකසූ ටොෆි විශේෂයක් ද තිබූ බවයි පොලීසිය පැවසුවේ. මෙම වැටලීම සඳහා පොලිස් නිලධාරීන් 75 දෙනෙකු එක්වුණා.
