කොළඹ ග්‍රෑන්ඩ්පාස් ප්‍රදේශයේ දී තියුණු ආයුධයකින් පහර දී පුද්ගලයකු ඝාතනය කිරීමේ චෝදනාවට වරදකරු වූ පුද්ගලයින් තිදෙනකුට කොළඹ මහාධිකරණය අද (18) මරණ දණ්ඩණය නියමකළා.
2001 වර්ෂයේ නොවැම්බර් මස 5 දා ග්‍රෑන්ඩ්පාස් ප්‍රදේශයේ දී මෙම අපරාධය සිදු කර ඇති බවට නීතිපතිවරයා අධිචෝදනා ගොනු කර තිබුණා.
විත්තිකරුවන් වන අබ්දුල් මොහොමඩ් අස්ලාම් , ජානක ගුණසේකර සහ පුෂ්පහරන් ජයචන්ද්‍රන් යන අය මෙම මරණය සිදු කර ඇති බවට පැමිණිලි පාර්ශවය සාධාරණ සැකයකින් තොරව ඔප්පු කර ඇති බවට මහාධිකරන විනිසුරු විකුම් කලුආරච්චී තීන්දු කළා.
