ත්රස්තවාදියා සහ රණවිරුවාගේ වෙනස හදුනාගැනීමට නොහැකි පිරිස් ගැන තමන් කණගාටුවන බව ජනාධිපති මෛත‍්‍රිපාල සිරිසේන මහතා පවසනවා. පාර්ලිමේන්තු ක‍්‍රිඩාංගනය අසල පිහිටි රණවිරු ස්මාරකය අභියස අද (19) පස්වරුවේ පැවති ජාතික රණවිරු සැමරුම් උත්සවයට එක් වෙමින් ජනාධිපතිවරයා මේ බව කියාසිටියා.
රණවිරුවා කවුද ත්රස්තවාදියා කවුද කියා තේරුම් ගැනීමේ නොහැකියාව වර්තමාන රජයේ සිටින ඇතැම් දේශපාලකයින්ටද, විපක්ෂයේ දේශපාලකයින්ට සහ මුදල් උපයා ගැනීමේ අභිප්‍රායෙන් සිටිනරාජ්‍ය නොවන සංවිධානවල පුද්ගලයින්ට අද නොහැකිවී තිබෙන බව මෙහිදී ජනාධිපතිවරයා අවධාරණය කර සිටියා.
ශ‍්‍රි ලංකා හමුදාවන්ට මානව හිමිකම් උල්ලංඝණය කිරීම පිළිබද කිසිදු චෝදනාවක් නොමැති බවද ජනාධිපතිවරයා එහිදී කියා සිටියා.
අද අපි අවි ඔසවාගෙන නැහැ. එහෙත් අන්තවාදය ඔසවා ගත් පිරිස් උතුරේදී මෙන්ම දකුණේ රජයට එරෙහිව සිටිනවා. ශ්‍රී ලංකා ආරක්ෂක හමුදාවන්ට එක්සත් ජාතීන්ගේ මානව හිමිකම් කොමසාරිස්වරයා විසින් ඉදිරිපත් කර තිබෙන යෝජනා තුළ යුද අපරාධ සම්බන්ධයෙන් චෝදනා එල්ලවී නොමැති බවට තමා සහතික වන බව ජනාධිපති මෛත්‍රීපාල සිරිසේන මහතා මෙහිදී කියා සිටියා.
වසර 30 ක් පුරා පැවති ත්‍රස්තවාදය පරාජය කිරීමට එවකට පැවති රජයට හැකිවූ බවත් රටින් පිට හිදිමින් ඊලාම් සිහිනය වෙනුවෙන් සටන් වදින ත‍්‍රස්තවාදීන්ගේ සිහින ඉටුවීමට රජයක් ලෙස කිසිසේත් ඉඩනොතබන බවද ජනාධිපතිවරයා මෙහිදී අවධාරණය කළා.
රණවිරුසේවා අධිකාරිය සංවිධාන කළ මෙම සැමරුම් උත්සවයට කතානායක කරූ ජයසූරිය, ෆීල්ඞ් මාර්ශල් අමාත්‍ය සරත් ෆොන්සේකා ඇතුලූ මැති ඇමතිවරුන්, රාජ්‍ය නිළධාරීන්, ත‍්‍රිවිධ හමුදා සහ පොලිස් ප‍්‍රධානීන් මෙන්ම රටවෙනුවෙන් දිවිදුන් රණවිරුවන්ගේ මව්පියන්, බිරින්දෑවරුන්, ¥ දරුවන් ඇතුලූ ඥාතීන් විශාල පිරිසක් එක්ව සිටියා. සර්ව ආගමික වතාවත් පවත්වා මියගිය අණ විරුවන් වෙනුවෙන් පිං පැමිණවීම සිදු කෙරුණු අතර රණවිරු ස්මාරකය වෙත පුෂ්පෝපහාර දැක්වීමක්ද එහිදී සිදුකෙරුණා.
