දඹුල්ල කුරුණෑගල ප‍්‍රධාන මාර්ගයේ ගොකරැල්ල, මැල්සිරිපුර ප‍්‍රදේශයේදී බස් රථ දෙකක් ගැටීමෙන් අද (09) දහවල් අනතුරක් සිදුවී තිබෙනවා. අනතුරින් පුද්ගලයින් 50 දෙනෙකු තුවාල ලැබූ බවයි පොලීසිය පැවසුවේ.
මෙලෙස අනතුරට ලක්ව ඇත්තේ ඇඹිළිපිටියේ සිට වවුනියාව දක්වා ධාවනය වූ බස් රථයක් සහ යාපනය සිට ඇඹිලිපිටිය දක්වා ධාවනය වූ බස් රථයක්. අනතුරෙන් තුවාල ලැබූවන් පොල්ගොල්ල ප‍්‍රාදේශීය රෝහලට සහ කුරුණෑගල රෝහලට ඇතුළත් කර තිබෙනවා.
