අද පැවැති බැඩ්මින්ටන් ඉසව්වලින් ශී‍්‍ර ලංකාව ජයග‍්‍රහණ දෙකක් වාර්තා කළා. කාන්තා කේවල බැඩ්මින්ටන් ඉසව්වේ මූලික වටයේ තරගයට එක් වූ කවිදු සිරිමාන්න දෙකට බින්දුවක් ලෙස සෞදි අරාබියානු කි‍්‍රඩිකාවක් පරාජය කරමින් දෙවන වටයට සුදුසුකම් ලැබුවා. බැඩ්මින්ටන් පිරිමි යුගල තරගද අද පැවති අතර එහිදී බුවනක ගුණතිලක සහ සචීන් ඩයස් දෙවන වටයට සුදුසුකම් ලැබුවේ මැකෝවා රාජ්‍ය දෙකට බින්දුවක් ලෙස පරාජය කරමින්.
පිරිමි යුගල ඉසව්වට එක් වූ නිලූක කරුණාරත්න සහ දිනුක කරුණාරත්න දෙකට බින්දුවක් ලෙසට කොරියාව හමුවේ පරාජයට පත්වුණා.
ශී‍්‍ර ලංකා පිරිමි වොලිබෝල් කණ්ඩායම වියට්නාමය දෙකට බින්දුවක් ලෙස පරාජයට කරමින් මුලික වටයේ තරගයක් අද ජයගත්තා.
