කුරුණෑගල, පිලීකඩ ප‍්‍රදේශයේදී අණනොතකා ධාවනය වූ සැකකටයුතු වෑන් රථයකට පොලීසිය වෙඩි තබා තිබෙනවා. ඒ, හෙරොයින් ප‍්‍රවාහනය කරන බවට ලද තොරතුරක් මත අදාළ වෑන් රථය නවතා පරීක්‍ෂා කිරීමට සූදානම් වූ අවස්ථාවේදීයි.
වෙඩි ප‍්‍රහාරයත් සමග පලාගිය වෑන් රථය මිල්ලව ප‍්‍රදේශයේ දමා ගොස් තිබියදී සොයාගත් බවයි පොලීසිය පැවසුවේ.
පසුව කළ පරීක්‍ෂාවකදී අසල පාළු නිවසක සැඟව සිටි සැකකරුවෙකු අත්අඩංගුවට ගෙන තිබෙනවාග ඔහු සතුව හෙරොයින්ද තිබූ බවයි පොලීසිය පැවසුවේ. වෙඩි ප‍්‍රහාරයෙන් තුවාල ලබා සිටි සැකකරු වැඩිදුර ප‍්‍රතිකාර සදහා කුරුණෑගල රෝහලට ඇතුළත් කෙරුණා.
