ආසියානු සත් සාමාජික රග්බි තරගාවලියේ තමන් සහභාගි වූ පළමු තරගයෙන් ජය ගැනීමට ශී‍්‍ර ලංකා පිරිමි කණ්ඩායම අද (14) සමත් වුණා. ඒ, චීන කණ්ඩායම සමග පැවති තරගය ලකුණු 31කට බින්දුවක් ලෙස ජය ගනිමින්. ශී‍්‍ර ලංකා කණ්ඩායම සහභාගි වන දෙවන තරගය අද පස්වරු 2.45 ට ආරම්භ වන්නේ මෙවර ආසියානු කී‍්‍රඩා උළලේ රග්බි රිදී පදක්කම දිනාගත් ප‍්‍රබල ජපානය සමගයි.
මෙවර ශී‍්‍ර ලංකා රග්බි කණ්ඩායමට ශි‍්‍රනාත් සූරියබණ්ඩාර නායකත්වය ලබාදෙනවා.
මේ අතර මෙම තරගාවලියේ ශී‍්‍ර ලංකා කාන්තා කණ්ඩායම සහභාගි වූ පළමු තරගයේදී කසකස්ථානය හමුවේ 36 ට බින්දුවක් ලෙස පරාජයට පත් වුණා.
