ඉදිරියේදී ලොවපුරා "පුදුමදනවන" ප්‍රහාරයන් සිදුකරන බවත් එල්ලවූ ප්‍රහාරයන් හි අවසානය මෙය නොවන බවත් ඉස්ලාමිය රාජ්‍ය හෙවත් ISIS සංවිධානය සිය සමාජ මාධ්‍ය ජාල ඔස්සේ යලිත් වරක් අනතුරු අඟවා තිබෙනවා.
මේ අතර සයින්දමරදු ප්‍රදේශයේ නිවසක් තුල මරාගෙන මැරෙන ප්‍රහාරයක් සිදුකර ගනිමින් මියගිය අන්තවාදී සාමාජිකයෙක් සහ ජාතික තව්හිත් ජමාත් නායක සහරාන් හෂීම් එකට ලබා ගත් ජයාරූපයක්ද මේ වන විට ISIS සංවිධානයේ සමාජ මාධ්‍ය ඔස්සේ පළකර තිබෙන බවයි SITE අන්තර්ජාල බුද්ධි ඒකකය සඳහන් කරන්නේ.
පසුගිය පාස්කු ඉරිදා දින මෙරට දේවස්ථාන තුනකට සහ ප්‍රධාන පෙළේ සංචාරක හෝටල් තුනක් ඉලක්ක කර ගනිමින් එල්ලවූ මරාගෙන මැරෙන ප්‍රහාරය සහ සවුදි අරාබියේ ද එදිනම IS ත්‍රස්තයින් සිදුකළ ප්‍රහාරය අබු මුකාටිල් අල් අම්රිකි ඇතුළු ප්‍රධාන පෙළේ ISIS ත්‍රස්තවාදී නායකයින් පිරිසකගේ සැලසුමකට අනුව සිදුකර ඇති බව මෙම ජාත්‍යන්තර නිරීක්ෂණ කණ්ඩායම් සඳහන් කරනවා.
ශ්‍රී ලංකාවේ සිදුවූ ප්‍රහාරයෙන් පසුව ගතවූ සතියක කාලය තුලදී ISIS සංවිධානය විසින් ලොවපුරා රටවල් 15ක ප්‍රහාර සිදුකර ඇති බවයි එම නිරික්ෂකයින් සඳහන් කරන්නෙ.
