බ්‍රිතාන්‍ය රජපවුලේ ජ්‍යෙෂ්ඨ සාමාජිකයින් ලෙස තවදුරටත් පෙනී නොසිටින බව හැරී කුමරු සහ මේගන් මාකල් පවසනවා. විදෙස් වාර්තා පැවසුවේ නිවේදනයක් මගින් ඔවුන් මේ බව ප්‍රකාශයට පත්කර ඇති බවයි. ඒ අනුව මුළ්‍යමය වශයෙන් ද තමන් ස්වාධීන වන බවයි හැරී සහ මේගන් පවසන්නේ.
කෙසේවෙතත්, අදාළ තීරණය සම්බන්ධයෙන් හැරී කුමරු සහ මේගන් මාකල්, දෙවැනි එලිසබෙත් රැජින, චාල්ස් කුමරු හෝ විලියම් කුමරු දැනුවත් කර නොමැති බව ද සඳහන්. රාජකීය භූමිකාවෙන් බැහැරවීමට හැරී කුමරු හා මේගන් ගත් තීරණය පිළිබඳ රජපවුලේ සාමාජිකයින් දැනුවත් වී ඇත්තේ ඒ බව රූපවාහිනිය නාලිකා මගින් ප්‍රචාරය වීමේදී බවයි වාර්තා වන්නේ.
මේ සමග රජපවුලේ සියලු සාමාජිකයින් වික්ෂිප්ත භාවයට පත්ව ඇතැයි බකිංහැම් මාලිගයේ ආරංචි උපුටා දක්වමින් විදෙස් මාධ්‍ය වාර්තා කළා.
