හිටපු කර්මාන්ත හා වාණිජ අමාත්‍ය රිෂාඩ් බදියුදීන්ගේ සොහොයුරෙකු වන හිටපු උතුරු පළාත් සභා මන්ත්‍රී රිෆ්කාන් බදියුදීන් ඇතුළු දෙදෙනෙකුට එරෙහිව ගොනු කර ඇති නඩුවක් ඔක්තෝබර් මස 22 දා යළි කැදවීමට කොළඹ ප්‍රධාන මහේස්ත්‍රාත් ලංකා ජයරත්න අද (10) නියෝග කළා.
ඒ තලෙයිමන්නාරම ප්‍රදේශයේ පිහිටි වෙනත් පුද්ගලයෙකුට අයත් රුපියල් මිලියන 24 ක් පමණ වටිනා ඉඩම් අක්කර 40 ක් ව්‍යාජ ඔප්පු සකසා ලබා ගැනීමේ චෝදනාවක් සම්බන්ධයෙන්.
මෙම ව්‍යාජ ඔප්පු වලට අදාළ ලේඛන සම්බන්ධයෙන් විශ්ලේෂණ වාර්තා ලබා ගැනීමට ප්‍රශ්නගත ලේඛන පරික්ෂා කිරීමේ පරික්ෂකවරයා වෙත යොමු කර ඇති බව පොලීසිය අධිකරණයට දැනුම් දුන්නා.
එහි වාර්ථා මෙතෙක් ලැබී නොමැති බව පොලීසිය අධිකරණයට දැනුම් දෙන ලදි.
සැකකරුවන් මේ වන විට ඇප මත මුදාහැර සිටිනවා.
