මුතුරාජවෙල තෙත් අභයභූමිය පරිසර අමාත්‍යංශය හා නාගරික සංවර්ධන අධිකාරිය යටතට පවරාගෙන සංවර්ධනය කිරීමට රජය තීරණය කර ඇත්තේ යටිඅරමුණකින් බව පරිසරවේදීන් පෙන්වා දෙනවා. මුතුරාජවෙල තෙත් බිම විනාශ කරමින් ව්‍යාපෘතියක් කි‍්‍රයාත්මක කිරීමට පෞද්ගලික සමාගමක් උත්සාහ දරමින් සිටින බවයි පරිසරවේදීන් පවසන්නේ.
මුතුරාජවෙල තෙත්බිම වනජීවි දෙපාර්තමේන්තුව යටතේ අභය භූමියක් ලෙස තවදුරටත් සුරක්‍ෂිත කරමින් එම සියළු උත්සාහයන් පරාජය කළයුතු බව සුරකිමු ශී‍්‍ර ලංකා සංවිධානයේ සභාපති පූජ්‍ය පාහියංගල ආනන්ද සාගර හිමියන් නෙත් නිවුස් වෙත කියාසිටියා.
මුතුරාජවෙල තෙත් බිම් අභය භූමිය නාගරික සංවර්ධන අධිකාරියට පැවරීම හරහා සිදුවිය හැකි බලපෑම පිළිබද පරිසරවේදී නීතිඥ ජගත් ගුණවර්ධන මෙලෙස කරුණු පැහැදිලි කළා.
