බද්දේගම සෞඛ්‍ය වෛද්‍ය නිළධාරී කාර්යාලයේ පවුල් සෞඛ්‍ය සේවා නිළධාරිනියකට කොරෝනා වෛරසය ආසාදනය වී තිබෙනවා.
සෞඛ්‍ය අංශ පැවසුවේ ඇයට සිදු කළ ඇන්ටිජන් පරීක්ෂාවකදී ඒ බව තහවුරු වී ඇති බවයි. එම නිළධාරිනියගේ ස්වාමිපුරුෂයාට ද කොරෝනා වෛරසය ආසාදනය වී ඇති බවට හඳුනාගෙන තිබෙනවා.
ඒ අනුව බද්දේගම සෞඛ්‍ය වෛද්‍ය නිළධාරී කාර්යාලයේ කාර්යය මණ්ඩලයේ පිරිසකට “ඇන්ටිජන්” පරීක්ෂණ කෙරුණා.
එහි ප්‍රතිපළ අනුව කාර්යය මණ්ඩලයේ සෙසු අයට කොරෝනා ආසාදනය වී නැති බවටයි තහවුරු වී ඇත්තේ.
ඒ අනුව ජනතාවගේ සෞඛ්‍ය ආරක්ෂාව වෙනුවෙන් උපරිම සෞඛ්‍ය ආරක්ෂිත ක්‍රම අනුගමනය කරමින් සෞඛ්‍ය වෛද්‍ය නිළධාරී කාර්යාලයේ කටයුතු අඛණ්ඩව පවත්වාගෙන යන බවයි බද්දෙගම සෞඛ්‍ය වෛද්‍ය නිළධාරී ඒ. පී. ගුණවර්ධන සඳහන් කළේ.
