වනෝද්‍යාන සෞඛ්‍ය ක්‍රමවේදයන්ට අනුව සංචාරකයින් සදහා විවෘත කිරීම පිළිබද මේ වනවිට සාකච්ඡා කෙරෙමින් ඇතැයි සංචාරක සංවර්ධන අධිකාරිය පවසනවා. සංස්කෘතික නැරඹුම් ස්ථානද සංචාරකයින් සදහා විවෘත කිරීමට ඇති හැකියාව සම්බන්ධයෙන් ද සාකච්ඡා කෙරෙමින් ඇති බවයි එම අධිකාරියේ අධ්‍යක්‍ෂ ජනරාල් ධම්මිකා විජේසිංහ සදහන් කළේ.
මේ අතර සියළුම සංචාරක සේවා බලපත්‍ර අලුත් කිරීමේ ගාස්තු මෙම වසරේ ද නිදහස් කිරීමට කටයුතු කර ඇති බව සංචාරක සංවර්ධන අධිකාරියේ අධ්‍යක්‍ෂ ජනරාල්වරිය වැඩි දුරටත් සදහන් කළා.
