පකිස්තානයේ ලර්කානා ප්‍රදේශයේ දී හින්දු ආගමික ව්‍යාපාරිකයෙකු පහර දී ඝාතනය කිරීමට එරෙහිව එරට සින්ද් ප්‍රාන්තයේ විරෝධතා ආරම්භ වී ඇතැයි වාර්තා වනවා.
පසුගිය ජනවාරි 31 වනදා ,සටාන් දාස් නම් මෙම ව්‍යාපාරිකයා පහර දී ඝාතනය කළ මැර පිරිසක් ඔහුගේ පුතුට ද පහර දී බරපතල තුවාල සිදුකර තිබුණා. සිදුවීමෙන් දින ගණනාවක් ගතව ඇතත්, මෙතෙක් සැකකරැවන් අත්අඩංගුවට ගැනීමට පොලිසිය ක්‍රියාකර නොමැති බවටයි ප්‍රදේශයේ හින්දු ජනතාව චෝදනා කරන්නේ.
ඒ අනුව ඔවුන් විසින් ,මෙම ඝාතනයට විරෝධය,පළකිරීම සදහාත්, සැකකරැවන් අත්අඩංගුවට ගැනීමට බලකිරීම සදහාත් විරෝධතා ආරම්භ කර ඇති බව සදහන්. හින්දු , ක්‍රිස්තියානි , සීක්,අහමදියා ඇතුළු සුලු ජනවර්ගවලට පකිස්තානය දිනෙන් දිනම අනාරක්ෂිත වෙමින් ඇති බවට චෝදනා එල්ල වෙමින් තිබෙනවා.
පසුගිය දිනක පෙෂාවෝර් හි දී ක්‍රිස්තියානි පූජකරැවන් දෙදෙනෙකු ඉලක්ක කරගෙන ද ප්‍රහාරයක් එල්ල වූ අතර එහිදී එක් පූජකවරයෙකු මියගියා.
