2022 විස්සයි 20 ලෝක කුසලාන තරගාවලියේ සුපිරි 12 දෙනාගේ වටයේ ආරම්භක තරගයේදී සත්කාරක ඕස්ට්‍රේලියානු කණ්ඩායම පරදා ලකුණු 89 කින් ජය ලැබීමට නවසීලන්ත කණ්ඩායම සමත් වුවා.
කාසියේ වාසිය දිනු ඕස්ට්‍රේලියාවේ ආරාධනයෙන් පළමුවෙන් පන්දුවට පහර දීමට පැමිණි නවසීලන්ත පිල සිය පන්දු ඕවර 20 තුලදී කඩුලු 03ක් පමණක් දැවී ලකුණු 200ක් රැස් කරනු ලැබුවා.
නවසීලන්ත පිල වෙනුවෙන් සුපිරි පිතිකරණයක යෙදුණු ඩෙවොන් කොන්වෙයි පන්දු 58 කදී නොදැවී ලකුණු 92ක් රැස් කර ගත්තා.
ලකුණු 201ක ඉලක්කයක් හඹා යාමට පැමිණි ඕස්ට්‍රේලියානු පිතිකරුවන්ට ප්‍රබල තර්ජනයක් ගෙන දුන් නවසීලන්ත පන්දු යවන්නන් ඔවුන්ගේ පළමු කඩුලු 5 ලකුණු 68 කට දවා ගත්තේ පන්දු වාර 10.2ක් ව තිබියදී.
සිය කණ්ඩායම වෙනුවෙන් හුදෙකලා සටනක නිරතවූ ග්ලෙන් මැක්ස්වෙල් ලකුණු 28 කට දැවී ගිය අතර පන්දු වාර 17.1කදි ඕස්ට්‍රේලියානු පිල සියලු දෙනා දැවී ලකුණු 111ක් රැස් කර ගනු ලැබුවා.
