වෝන් – මුරලි කුසලාන ටෙස්ට් ක‍්‍රිකට් තරගාවලිය තුනට බින්දුවක් ලෙස ජයගත් ශ‍්‍රී ලංකා කණ්ඩායමට ඔස්ටේ‍්‍රලියානු හිටපු ක‍්‍රිකට් ක‍්‍රීඩක ශේන් වෝන් සුබ පැතුම් එක් කර තිබෙනවා.
ඒ, සිය ට්විටර් ගිණුමේ සටහනක් තබමින්. ඇන්ජලෝ මැතිව්ස්ගේ නායකත්වය සහ රංගන හේරත්ගේ පන්දු යැවීම මෙහිදී විශේෂ ඇගයීමට ලක්ව තිබෙනවා. ඔස්ටේ‍්‍රලියානු කණ්ඩායමේ ක‍්‍රීඩා විලාෂය දුර්වල වූ බවයි ශේන් වෝන් වැඩිදුරටත් පවසන්නේ.
මේ අතර ශ‍්‍රී ලංකා කණ්ඩායමට සුභ පතමින් කුමාර් සංගක්කාර ද සිය ට්විටර් ගිණුමේ සටහනක් තබා තිබෙනවා. මෙය ශ‍්‍රී ලංකා ටෙස්ට් ක‍්‍රිකට් ඉතිහාසයේ විශිෂ්ටතම ජයග‍්‍රහණය බවයි එහි සඳහන් වන්නේ. යොවුන් නමුත් ශක්තිමත්
ශ‍්‍රී ලංකා කණ්ඩායම පිළිබඳව තමන් ආඩම්බරයට පත්වන බවද කුමාර් සංගක්කාර පවසනවා.
