කාන්තා ආසියානු කුසලාන විස්සයි විස්ස අවසන් මහා තරගය ඉන්දීය කාන්තා කණ්ඩායම සහ ශ්‍රී ලංකා කාන්තා කණ්ඩායම අතර අද පස්වරු 03ට රංගිරි දඹුලු ජාත්‍යන්තර ක්‍රීඩාංගනයේදී ආරම්භ වීමට නියමිතයි.
ශ්‍රී ලංකා කාන්තා කණ්ඩායම සහ ඉන්දීය කාන්තා කණ්ඩායම ද මෙම අවසන් තරගයට පිවිසෙන්නේ පැවැති තරග සියල්ලම ජය ගනිමින් අපරාජිත කණ්ඩායම් ලෙසයි.
2022 වර්ෂයේ ද ආසියානු කුසලාන අවසන් මහා තරගයට ශ්‍රී ලංකා කාන්තා කණ්ඩායම සහ ඉන්දීය කාන්තා කණ්ඩායම තරග වැදුණු අතර එම තරගයෙන් ඉන්දීය කාන්තා කණ්ඩායම එහි ශූරතාවය හිමිකර ගත්තා.
ශ්‍රී ලංකා කාන්තා කණ්ඩායම අද තරගයට පිවිසෙන්නේ පළමු වරට ආසියානු කුසලානයක් ජයග්‍රහණය කිරීමේ බලාපොරොත්තුවෙන්.
අද පැවැත්වෙන අවසන් මහා තරගයට ශ්‍රී ලංකා කාන්තා කණ්ඩායමේ සූදානම සහ සැලසුම සම්බන්ධයෙන් ශ්‍රී ලංකා කාන්තා කණ්ඩායමේ නායිකා චමරි අතපත්තු මෙලෙස අදහස් පළ කළා.
