සංචාරක ශ්‍රී ලංකා කාන්තා ක්‍රිකට් කණ්ඩායම සහ අයර්ලන්ත කාන්තා කණ්ඩායම අතර තරග තුනකින් සමන්විත එක්දින තරගාවලියේ දෙවන එක් දින තරගය ශ්‍රී ලංකා වේලාවෙන් අද පස්වරු 03.15ට බෙල්ෆාස්ට්හි ස්ටෝමොන්ට් ක්‍රීඩාංගනයේදී ආරම්භ වීමට නියමිතයි.
දෙරට අතර පැවති පළමු එක්දින තරගයෙන් අයර්ලන්ත කාන්තා කණ්ඩායම ශ්‍රී ලංකා කණ්ඩායම කඩුලු තුනකින් පරාජයට පත් කළා.
ශ්‍රී ලංකා කාණ්ඩායමට තරගාවලියේ ජය හිමිකර ගැනීමට නම් අද තරගය ජයග්‍රහණය කිරීම අනිවාර්යයි.
ශ්‍රී ලංකා කාන්තා කණ්ඩායමේ එක් වෙනසක් ද සිදු කිරීමට නියමිත බවයි ක්‍රිකට් ආරංචි මාර්ග පවසන්නේ.
දෙරට අතර තුන්වන සහ අවසන් එක්දින තරගය ලබන 20 වනදා ආරම්භ වීමට නියමිතයි.
ශ්‍රී ලංකා කාන්තා කණ්ඩායම සහ අයර්ලන්ත කාන්තා කණ්ඩායම අතර පැවති විස්සයි විස්ස තරගාවලියේ ජය දෙපිලම තරග එක බැගින් දිනා ගනිමින් සම සූරයන් බවට පත් වුණා.
