මැතිවරණ සඳහා වෙනත් අපේක්ෂකයින් දමා පක්ෂ නායකත්වය රැක ගැනීමට තමන් කිසිවිටෙක කටයුතු කර නොමැති බව විපක්ෂ නායක සජිත් ප්‍රේමදාස මහතා පවසනවා.
රුවන්වැල්ල ප්‍රදේශයේ පැවති සමගි ජන බලවේගයේ ජන හමුවක් අමතමින් විපක්ෂ නායකවරයා මෙම අදහස් පල කළා.
සිය රජයක් යටතේ සාධාරණ බදු ක්‍රමයක් රටට හඳුන්වා දෙන බව ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක පවසනවා. කිරිබත්ගොඩ පැවති ජන හමුවකට එක්වෙමින් ඔහු මේ බව කියා සිටියා.
තමන් ජනාධිපතිවරණයට ඉදිරිපත්ව සිටින්නේ දැවැන්ත වැඩපිළිවෙක් එක්ව බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ පවසනවා.
අලුත්ගම කන්දේ විහාරයේ ආගමික වතාවත්වලට එක්වීමෙන් අනතුරුව මාධ්‍ය වෙත අදහස් දක්වමින් ඔහු මේ බව කියා සිටියා.
රට හමුවේ ඇති අභියෝග ඇතැම් දේශපාලන පක්ෂ පටු අරමුණු වෙනුවෙන් යොදාගෙන ඇති බව රාජ්‍ය අමාත්‍ය පියල් නිශාන්ත පවසනවා.
එම පටු අරමුණු ඉටුකර ගැනීම සඳහා ඔවුන් විසින් තරුණයන් ද යොදාගෙන ඇති බවයි රාජ්‍ය අමාත්‍යවරයා පැවසුවේ.
