ශ්‍රී ලංකාව හා එංගලන්තය අතර හෙට පැවැත්වීමට නියමිත තරග 3කින් යුත් ටෙස්ට් ක්‍රිකට් තරගාවලියේ පළමු තරගයට ක්‍රීඩාකරන එංගලන්ත සංචිතය නිවේදනය කර තිබෙනවා.
ආබාධයකට ලක්ව සිටින බෙන් ස්ටොක්ස්ට පළමු ටෙස්ට් තරගය අහිමිවීම හේතුවෙන් වැඩබලන ටෙස්ට් නායකයා ලෙස ඔලී පෝප් ද උපනායකත්වය සඳහා හැරී බෘෘක්ද නම්කර තිබෙනවා.
ටෙස්ට් නායක බෙන් ස්ටෝක්ස්ගේ ස්ථානයට කැඳවා ඇත්තේ යොවුන් තුන්ඉරියව් ක්‍රීඩකයෙකු වන 25 හැවිරිදි මැතිව් පොට්ස්.
2022 වසරේදී නවසීලන්තයට එරෙහිව ජාත්‍යන්තර ටෙස්ට් වරම් දිනාගත් පොට්ස්, තරග 06කට ක්‍රීඩාකර කඩුලු 23ක් බිඳහෙළා ඇති අතර ඔහු සිය මංගල ටෙස්ට් තරගයේදීම ලකුණු 13කට කඩුලු 04ක් දවාගැනීමට සමත් වුනා.
ශ්‍රී ලංකා එංගලන්ත පළමු ටෙස්ට් තරඟය ඕල්ඩ් ට්‍රැෆර්ඩ් හිදී හෙට ආරම්භ වීමට නියමිතයි .
ශ්‍රී ලංකාවට එරෙහි පළමු ටෙස්ට් තරඟයට නම් කල එංගලන්ත සංචිතය පහතින්
1 ඩෑන් ලෝරන්ස් 2 බෙන් ඩකට්, 3 ඔලී පෝප් (නායක), 4 ජෝ රූට්, 5 හැරී බෲක්, 6 ජේමි ස්මිත් (කඩුලු රකින්නා), 7 ක්‍රිස් වෝක්ස්, 8 ගස් ඇට්කින්සන්, 9 මැතිව් පොට්ස්, 10 මාර්ක් වුඩ්, 11 ෂොයිබ් බෂීර්
