වැලිකඩ අරුණෝදය මාවත ප්‍රදේශයේදී දේපළ කොල්ලකෑමේ සිද්ධීන් රැසකට සම්බන්ධ සැකකරුවෙකු අත්අඩංගුවට ගෙන තිබෙනවා.
ඒ, බස්නාහිර පළාත් දකුණ අපරාධ කොට්ඨාසයේ නිලධාරීන් කණ්ඩායමක් විසින්.
කුලී ගමනක් යන මුවාවෙන් ත්‍රීරෝදරථවල නැග ගමන් කරමින් සිටියදී රියදුරන්ට තියුණු ආයුධ පෙන්වා බියගන්වා එම ත්‍රීරෝද රථ සහ දේපළ සැකකරු විසින් කොල්ලකා ඇති බවයි පොලීසිය පැවසුවේ.
පෑලියගොඩ, කැලණිය, කඩවත, බොරැල්ල හා මිරිහාන ප්‍රදේශවලදී සැකකරු විසින් එලෙස ත්‍රීරෝදරථ, ජංගම දුරකතන, රන් භාණ්ඩ කොල්ලකා තිබෙනවා.
ඒවා අතරින් ත්‍රීරෝද රථයක් හා ජංගම දුරකතන 05ක් මේ වන විට සොයා ගත් බවයි පොලීසිය පැවසුවේ.
