ජීව අත්බෝම්බයක් සමඟ සැකකරුවෙකු බංගදෙණියේදී අත්අඩංගුවට

බංගදෙණිය, කුම්බුට්ටුකුලිය ප්‍රදේශයේදී විදේශීය රටක නිෂ්පාදිත ජීව අත්බෝම්බයක් සමඟ සැකකරුවෙකු හලාවත පොලීසිය විසින් අත්අඩංගුවට ගෙන තිබෙනවා.

එලෙස අත්අඩංගුවට ගෙන ඇත්තේ හලාවත - වැලිහේන ප්‍රදේශයේ පදිංචිකරුවෙක්.

ඔහුගෙන් සිදුකල ප්‍රශ්න කිරීම් හමුවේ හලාවත - වැලිහේන ප්‍රදේශයේ නිවසක් බිඳ මුදල් හා රන් භාණ්ඩ සොරකම් කිරීමේ සිද්ධියක් ද අනාවරණ වී තිබෙනවා.

සැකකරුගෙන් තවදුරටත් ප්‍රශ්න කිරීම් සිදුකරන බවයි පොලිසිය පැවසුවේ.