ජනාධිපති ධූර අපේක්ෂක ජනාධිපති රනිල් වික්‍රමසිංහ මහතා විසින් ජාතික ජන බලවේගයේ ජනාධිපති ධූර අපේක්ෂක පාර්ලිමේන්තු මන්ත්‍රී අනුර කුමාර දිසානායක මහතා වෙත ප්‍රශ්න දෙකක් යොමු කළා.
ඒ, වැලිමඩ ප්‍රදේශයේ පැවති ජන හමුවකදීයි.
ජනතාවට හිතකර සමාජයක් ගොඩනැගීමට අසමත් වන කිසිදු පාර්ශවයකගෙන් ඵලක් නොමැති බව ජාතික ජනබලවේගයේ ජනාධිපති ධුර අපේක්ෂක පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
කොළඹ පැවති හමුවකට එක්වෙමින් ඔහු මේ බව කියා සිටියා.
ලබන 21 වනදායින් පසුව තමන් ජනතාව වෙනුවෙන් විශාල කැප කිරීමක් සිදු කරන බව සමගි ජනබලවේගයේ ජනාධිපති ධුර අපේක්ෂක විපක්ෂ නායක සජිත් ප්‍රේමදාස මහතා පවසනවා.
වැලිමඩ ප්‍රදේශයේ පැවති ජන හමුවකට එක්වෙමින් විපක්ෂ නායකවරයා මෙම අදහස් පළ කළා.
නව තාක්ෂණ ක්‍රමවේද ද උපයෝගී කර ගනිමින් ජනතාවට සහන ලබාදීමට කටයුතු කරන බව ශ්‍රී ලංකා පොදුජන පෙරමුණේ ජනාධිපති ධුර අපේක්ෂක පාර්ලිමේන්තු මන්ත්‍රී නාමල් රාජපක්‍ෂ මහතා පවසනවා.
ඒ, පානදුර ප්‍රදේශයේ පැවති ජන හමුවකට එක්වෙමින්.
