ග්‍රෑන්ඩ්පාස්, මාලිගාවත්ත සහ බ්ලූමැන්ඩල් ප්‍රදේශවල සිදුකල වැටලීම් කිහිපයකදී මත්ද්‍රව්‍ය සන්තකව සිටි සැකකරුවන් තිදෙනෙකු අත්අඩංගුවට ගෙන තිබෙනවා.
ඒ, ලද තොරතුරු මත කොළඹ අපරාධ කොට්ඨාසයේ නිලධාරින් සිදුකල වැටලීම්වලදීයි.
සැකකරුවන් සන්තකයේ තිබී අයිස් මත්ද්‍රව්‍ය ග්‍රෑම් 30කට අධික ප්‍රමාණයක්, මත්කරල් 110ක්, නීති විරෝධී දුම්වැටි 160ක්, මත්ද්‍රව්‍ය ජාවාරමෙන් උපයා ගත් බවට සැකකෙරෙන රුපියල් 92,580ක මුදලක් සහ පවුම් 25ක රන් භාණ්ඩ සොයාගත් බවයි පොලිසිය පැවසුවේ.
අත්අඩංගුවට ගත් සැකකරුවන් කොළඹ 10, කොළඹ 15 හා වැල්ලම්පිටිය ප්‍රදේශවල පදිංචිකරුවන් වනවා.
