ඇමරිකානු ලාභ නොලබන පර්යේෂණ කණ්ඩායමක් සහ උපදේශක චින්තන සංවිධානයක් වන යුද අධ්‍යයනය සඳහා වූ ආයතනය චීන ආක්‍රමණයක් සම්බන්ධයෙන් නව වාර්තාවක් ඉදිරිපත් කර තිබෙනවා.
එහි දැක්වෙන්නේ අමෙරිකාව චීන ආක්‍රමණයට බලගතු ප්‍රතිචාරයක් නොදක්වනු ඇතැයි විශ්වාස කරන බව හා, ඉදිරි මාස හය ඇතුළත චීනයට තායිවානයේ අක්වෙරළ කින්මන් දූපත් වල පාලනය අල්ලා ගත හැකි බවයි.
යුද අධ්‍යයනය සඳහා වූ ආයතනය (ISW) සහ වොෂින්ටනය පදනම් කරගත් මධ්‍ය-දක්ෂිණාංශික චින්තන සංවිධානයක් වන American Enterprise Institute හි පර්යේෂකයන් අනතුරු ඇඟවූයේ, තායිවානයේ සහ එක්සත් ජනපදයේ දේශපාලන භූ දර්ශනයට අනුව, කින්මන් දූපත් වලට එරෙහිව කෙටි යුධ බලහත්කාර ව්‍යාපාරයක් ක්‍රියාත්මක කිරීමට ඉදිරි මාස කිහිපය තුළ ඔහුට “සුවිශේෂී අවස්ථාවක්” ඇති බව ෂී ජින්පිං විශ්වාස කළ හැකි බවයි.
“අමෙරිකාවේ ජනාධිපති ජෝ බයිඩන් 2024 ජනාධිපතිවරණ තරඟයෙන් ඉවත් වන බව ප්‍රකාශ කිරීමෙන් පසු ඔහුගේ ධූර කාලය පරිච්ඡේදයකි. පවතින මැතිවරනය මධ්‍යයේ අමෙරිකාවේ දේශීය දේශපාලන භූ දර්ශනය කැළඹිලි සහ භේදකාරී ය, විදේශ ප්‍රතිපත්ති සංස්ථාපිතය යුක්රේනයේ සහ ගාසා තීරයේ සිදුවෙමින් පවතින යුද්ධවල නියැලී සිටී, අමෙරිකානු ජනතාවට තවත් යුද්ධයක් සඳහා රුචියක් නැත, ” පර්යේෂකයන් අගෝස්තු 21 වෙනිදා නිකුත් වූ ඔවුන්ගේ වාර්තාවේ සඳහන් කර තිබෙනවා.
"2025 ජනවාරි මාසයේදී අමෙරිකාවට නව ජනාධිපතිවරයෙකුගේ පදවි ප්‍රාප්තියට පෙර ඔහුගේ Kinmen ව්‍යාපාරයට කාලෝචිත සහ බලගතු ප්‍රතිචාරයක් අමෙරිකාවෙන් නොලැබෙනු ඇතැයි ෂී ජින්පිං විශ්වාස කළ හැකිය," වාර්තාවේ වැඩිදුරටත් සඳහන් වනවා.
