රට ගොඩනැගීමට හැකි හොඳම කණ්ඩායම සිටින්නේ තමන් සමග බව සමගි ජන බලවේගයේ ජනාධිපති ධූර අපේක්‍ෂක, විපක්ෂ නායක සජිත් ප්‍රේමදාස මහතා පවසනවා.
හබරාදූව ප්‍රදේශයේ පැවති ජන රැළියකට එක්වෙමින් ඔහු මෙම අදහස් පළ කළා.
ජනතාව සිය අනාගතය ගැන සිතා සැප්තැම්බර් 21වනදා ඡන්දය ප්‍රකාශ කළ යුතු බව ස්වාධීන ජනාධිපති අපේක්‍ෂක ජනාධිපති රනිල් වික්‍රමසිංහ මහතා පවසනවා.
ඒ, බේරුවල ප්‍රදේශයේ පැවති ජන රැළියකට එක්වෙමින්.
වර්තමානයේ බොහෝ දේශපාලඥයින් ප්‍රතිපත්තිගරුක දේශපාලනයක නිරත නොවන බව ජාතික ජන බලවේගයේ ජනාධිපති ධූර අපේක්‍ෂක, පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
අක්මීමන ප්‍රදේශයේ පැවති ජන රැළියකට එක්වෙමින් ඔහු මෙම අදහස් පළ කළා.
අනාගත පරපුර වෙනුවෙන් විධිමත් වැඩපිළිවෙළක් සකස් කරන බව ශ්‍රී ලංකා පොදුජන පෙරමුණේ ජනාධිපති ධූර අපේක්‍ෂක, පාර්ලිමේන්තු මන්ත්‍රී නාමල් රාජපක්ෂ මහතා පවසනවා.
කුණ්ඩසාලේ ප්‍රදේශයේ පැවති ජන රැළියකට එක්වෙමින් ඔහු මෙම අදහස් පළ කළා.
