ජනතාවට තවත් සහන ලබාදීමට ඉදිරියේදී තමන් කටයුතු කරන බව ස්වාධීන ජනාධිපති අපේක්‍ෂක ජනාධිපති රනිල් වික්‍රමසිංහ මහතා පවසනවා.
සිය ප්‍රධාන අරමුණ ජනතාවගේ ජීවන බර සැහැල්ලු කිරීම බවයි යාපනය ප්‍රදේශයේ පැවති ජන රැළියකට එක්වෙමින් ජනාධිපතිවරයා පැවසුවේ.
සිය ජයග්‍රහණය වෙනුවෙන් ජනතාව ස්වෙච්ඡාවෙන්ම මැතිවරණ ව්‍යාපාරයේ බව ජාතික ජන බලවේගයේ ජනාධිපති ධූර අපේක්‍ෂක, පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
අනුරාධපුර ප්‍රදේශයේ පැවති ජන රැළියකට එක්වෙමින් ඔහු මෙම අදහස් පළ කළා.
රත්නපුර දිස්ත්‍රික්කයේ සිසුන් සහ ජනතාවගේ අභිවෘද්ධිය වෙනුවෙන් ඉදිරියේදී තමන් වැඩසටහක් රැසක් ක්‍රියාත්මක කරන බව සමගි ජන බලවේගයේ ජනාධිපති ධූර අපේක්‍ෂක, විපක්ෂ නායක සජිත් ප්‍රේමදාස මහතා පැවසුවා.
ඒ, රත්නපුර ප්‍රදේශයේ පැවති ජන රැළියකට එක්වෙමින්.
දිවයිනේ සෑම මැතිවරණ කොට්ඨාසයක්ම ඉලක්ක කර ගනිමින් ජනතාවට සහන සලසන වැඩපිළිවෙලක් තමන් සතු බව ශ්‍රී ලංකා පොදුජන පෙරමුණේ ජනාධිපති ධූර අපේක්‍ෂක, පාර්ලිමේන්තු මන්ත්‍රී නාමල් රාජපක්ෂ මහතා පවසනවා.
කුණ්ඩසාලේ ප්‍රදේශයේ පැවති ජන රැළියකට එක්වෙමින් ඔහු මෙම අදහස් පළ කළා.
