විස්සයි විස්ස සහ එක් දින තරග සංචාරයක් සදහා නවසීලන්ත ක්‍රිකට් කණ්ඩායම ඊයේ රාත්‍රියේ දිවයිනට පැමිණියා.
දෙරට අතර විස්සයි විස්ස පළමු තරගය නොවැම්බර් මස 09 වන දිනත්, දෙවන තරගය නොවැම්බර් මස 10 වන දිනත් දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වීමට නියමිතයි.
තරග තුනකින් යුත් එක් දින තරගාවලිය නොවැම්බර් මස 13 වනදා ආරම්භ වන අතර එම පළමු තරගය පැවැත්වෙන්නේ දඹුල්ල ජාත්‍යන්තර ක්‍රිකට් ක්‍රීඩාංගනයේදීයි.
අනෙක් තරග දෙක පල්ලේකැලේ ජාත්‍යන්තර ක්‍රිකට් ක්‍රීඩාංගනයේදී පැවැත්වීමට නියමිතයි.
