සංචාරක නවසීලන්ත කණ්ඩායම සහ ශ්‍රී ලංකා කණ්ඩායම අතර තරග තුනකින් සමන්විත එක්දින ක්‍රිකට් තරග මාලාවේ අවසන් තරගය අද පැවැත්වෙනවා.
ඒ, පල්ලේකැලේ ජාත්‍යන්තර ක්‍රිකට් ක්‍රීඩාංගනයේදීයි.
දිවා රාත්‍රී තරගයක් වන මෙම තරගය පස්වරු 02.30 ට ආරම්භ වීමට නියමිතයි.
මෙම තරගාවලියේ පළමු තරග දෙකම ජයගත් ශ්‍රී ලංකා කණ්ඩායම මේ වන විට තරගාවලියේ ජය අත්කරගෙන සිටිනවා.
ඒ අනුව ශ්‍රී ලංකා කණ්ඩායම අද තරගයට පිවිසෙන්නේ පූර්ණ තරගාවලි ජයග්‍රහණයක් අපේක්ෂාවෙන්.
තරගාවලිය මේ වන විට ජයග්‍රහණය කර ඇති බැවින් අද තරගයේදී ශ්‍රී ලංකා කණ්ඩායමේ ස්ථානයක් හෝ දෙකක් නවක ක්‍රීඩකයින්ට ලබාදීම සම්බන්ධයෙන් ද සාකච්ඡාවක් පවතින බව වාර්තා වුණා.
