දෙහිවල, නැදිමාල ප්‍රදේශයේදී ඉකුත් සැප්තැම්බර් 20 වනදා පුද්ගලයෙකුට වෙඩි තබා ඝාතනය කිරීමේ සිද්ධියට සම්බන්ධ සැකකරුවන් දෙදෙනෙකු බස්නාහිර පළාත් - දකුණ අපරාධ කොට්ඨාසය මඟින් අත්අඩංගුවට ගෙන තිබෙනවා.
එම එක් සැකකරුවෙකු අත්අඩංගුවට ගෙන ඇත්තේ පනාගොඩ ප්‍රදේශයේදීයි.
යතුරු පැදියකින් ගමන් කරමින් සිටියදී එම සැකකරු අත්අඩංගුවට ගෙන ඇති අතර ඔහු සතුව තිබී විදේශ රටක නිෂ්පාදිත රිවෝල්වර් වර්ගයේ අවියක් සහ පතොරම් 06 ක් පොලිස් භාරයට ගෙන තිබෙනවා.
එලෙස අත්අඩංගුවට ගෙන ඇත්තේ 27 හැවිරිදි හඳපානගොඩ ප්‍රදේශයේ පදිංචිකරුවෙක්.
එම සැකකරුගෙන් සිදුකල ප්‍රශ්න කිරීම් අනුව අනාවරණ වූ තොරතුරු මත අදාළ ඝාතනයට සම්බන්ධ අනෙක් සැකකරු අතුරුගිරිය, මොරටුවාහේන ප්‍රදේශයේදී අත්අඩංගුවට ගෙන ඇති බවයි පොලිස් මාධ්‍ය ප්‍රකාශක කාර්යාලය පැවසුවේ.
