අමෙරිකානු රාජ්‍ය දෙපාර්තමේන්තුව F-16 ජෙට් සහ රේඩාර් සඳහා අමතර කොටස් තායිවානයට ඇස්තමේන්තුගත ඇමරිකානු ඩොලර් මිලියන 385 මුදලක් සඳහා විකිණීමට අනුමත කර ඇත.
තායිවාන ජනාධිපති ලායි චිං-ටේ ගේ පැසිෆික් සංචාරයක් ආරම්භ කිරීමට දිනකට පෙර පෙන්ටගනය මේ බව නිවේදනය කර තිබේ.
අමෙරිකාව සහ තායිවානය අතර පවතින ගනුදෙනු චීනයේ නිරන්තර කෝපයට හේතුවී තිබේ.
ඒ හමුවේ වුවද, චීනයට හිමිකම් කියන තායිවානයට තමන්ව ආරක්ෂා කර ගැනීමේ මාධ්‍යයන් සැපයීමට එක්සත් ජනපදය ප්‍රතිඥා දී ඇති බව විදෙස් මාධ්‍ය පවසයි.
ප්‍රජාතන්ත්‍රවාදීව පාලනය වන තායිවානය චීනයේ ස්වෛරීභාවය පිළිබඳ ප්‍රකාශ ප්‍රතික්ෂේප කරයි.
2024 දී යුද අභ්‍යාස වට දෙකක් ඇතුළුව චීනය තායිවානයට එරෙහිව මිලිටරි පීඩනය වැඩි කරමින් සිටින අතර ආරක්ෂක ආරංචි මාර්ග රොයිටර් වෙත පවසා ඇත්තේ ජනාධිපති විලියම් ලායිගේ පැසිෆික් සංචාරයට සමගාමීව චීනය තවදුරටත් තායිවානය ආසන්නයේ හමුදා අභ්‍යාස පවත්වනු ඇති බවටයි.
