ශ්‍රී ලංකාවේ ජනප්‍රියතම සංචාරක වැඩසටහන් නිශ්පාදනය කරනු ලබන යූටියුබ් නාලිකාවක් වන Travel With Wife පසුගියදා විශේෂ සංචාරයන් දෙකක් සාර්ථකව නිම කළා.
එහිදී ඔවුන් හයිද්‍රාබාද්හි Travernia Festival සහ තුර්කියේ ඉස්තාන්බුල්හි 8 වැනි INFLOW Global Summit 2024 සඳහා සහභාගී වී, ශ්‍රී ලංකාවට ගෞරවයක් එක් කර දුන්නා.
කසුන්, චමරි සහ ඔවුන්ගේ දියණිය එලීනා එක්වූ මෙම සංචාරයන්හිදී, ඔවුන්ගේ යූටියුබ් වැඩසටහන් තුළින් ඔවුන් ගමන් කළ ස්ථාන ප්‍රේක්ෂකයන්ට මනාව දැකබලා ගැනීමට හැකියාව සලසා දුන්නා. Travernia Festival හි ආරාධනයෙන් මෙම අවස්ථාවට එක්වූ කසුන් හා චමරි, ඔවුන්ට travel කරන්නට ඇති වූ ආශාව සාර්ථක සන්නාමයක් දක්වා ගෙන යාමේ අත්දැකීම් එම අවස්තාවට එක්වූ පිරිස් සමඟ බෙදාගන්නට කටයුතුකරනු ලැබුවා.
මෙම අවස්ථාවට ගරු සංචාරක අමාත්‍ය ජුපල්ලි ක්‍රිෂ්ණා රාඕ, එක්සත් ජාතීන්ගේ සංචාරක තානාපති කාල් ජෝෂුවා සහ ඉතිහාසඥ ආචාර්ය සිංහරාජ තම්මිට වැනි විශේෂ අමුත්තන් සහභාගී වීමත් විශේෂත්වයක්.
මෙම සංචාරයන් Travel With Wife කණ්ඩායමට ශ්‍රී ලංකාවේ සංස්කෘතිය හා විවිධත්වය ගෝලීය ප්‍රේක්ෂකයන්ට පෙන්වීමට සුවිශේෂී අවස්ථාවක් සලසා දුන්නා
